ຄຳນຳ

ໂດຍ​ປະຕິບັດ​ຕາມ​ແນວທາງ​ປ່ຽນ​ແປງ​ໃຫມ່ຂອງ​ພັກໃນການ​ຫັນ​ໄປ​ສູ່​ການ​ຄຸ້ມ​ຄອງ​ລັດ, ຄຸ້ມ​ຄອງ​​ເສດຖະກິດ-ສັງຄົມ ດ້ວຍລະບຽບກົດຫມາຍ, ​ນັບແຕ່ທ້າຍປີ 1989 ເປັນຕົ້ນມາ, ສປປ ລາວ ໄດ້​ສ້າງ​ກົດຫມາຍລວມທັງ ​ລັດຖະບັນຍັດ​​ ​ແລະ ດຳ​ລັດເປັນຈຳນວນ​ຫລວງຫລາຍ​ສົມຄວນ. ເຖິງ​ຢ່າງ​ໃດ​ກໍ​ຕາມ, ການ​ເຂົ້າ​ເຖິງ​ຂໍ້​ມູນ​ຂ່າວສານ​ກົດຫມາຍ ກໍ່​ຍັງ​ມີ​ຂອດ​ຈຳກັດ ​ແລະ ຍັງ​ຕ້ອງ​ໄດ້​ພັດທະນາກົນ​ໄກ​ຕ່າງໆ ຫລາຍ​ຂຶ້ນ ​ເພື່ອ​ເຮັດ​ໃຫ້​ປະຊາຊົນ​​ໄດ້​ສາມາດ​ຊອກ​ຮູ້ ແລະ ​ເຂົ້າ​ເຖິງ​ກົດຫມາຍ​ຕ່າງໆ​ ໄດ້​ຢ່າງ​ສະດວກງ່າຍ​ດາຍ. ກະຊວງຍຸຕິທຳ ໃນຖານະເປັນ ເສນາທິການໃຫ້ ລັດຖະບານ ກ່ຽວກັບ ວຽກງານກົດຫມາຍ ລວມທັງການໂຄສະນາເຜີຍແຜ່ກົດໝາຍ ​ດ້ວຍຫຼຍຮູບການ ໄດ້​ພະຍາຍາມ​ປັບປຸງ ​ແລະ ສ້າງ​ກົນ​ໄກ​ຊຸກ​ຍູ້ການ​ສະຫນອງ ​ຂໍ້​ມູນ​ຂ່າວສານ​ກົດຫມາຍ ​ໃຫ້​ແກ່ປະຊາຊົນ.

ຊີ​ດີ​ກົດຫມາຍ​ສະບັບ​ນີ້ ​ກໍ​ແມ່ນ​ຫນຶ່ງ​ໃນ​ຄວາມ​ພະຍາຍາມ​ ຂອງ​ກະຊວງ​ຍຸຕິ​ທຳ ​ໃນ​ການ​ຫມູນ​ໃຊ້​ທ່າ​ແຮງ​ຂອງ​ວິ​ທະ​ຍາ​ສາດ ​ແລະ ​ເຕັກ​ໂນ​ໂລ​ຊີ​ ຕາມ​ແນວທາງ​ນະ​ໂຍບາຍ​ຫັນ​ເປັນ​ທັນ​ສະ​ໄຫມ​ ເທື່ອ​ລະ​ກ້າວ​ເຂົ້າ​ໃນ​ການ ໂຄສະນາ​ເຜີຍ​ແຜ່​ກົດຫມາຍ​ໃຫ້​ ແກ່​ປະຊາຊົນ​ບັນດາ​ເຜົ່າ. ອີກ​ດ້ານ​ຫນຶ່ງ​ກໍ່ເພື່ອ​​ເປັນ​ການ​ປະຕິບັດ​​ແຜນ​ຍຸດທະ​ສາດ​ ຂອງ​ກະຊວງ​ຍຸຕິ​ທຳ ​ແຕ່​ນີ້ ຮອດ​ປີ 2020 ​ເພື່ອ​ຊຸກ​ຍູ້ ​ແລະ ສົ່ງ​ເສີມ​ໃຫ້​ປະຊາຊົນ​ໄດ້​ເຂົ້າ​ເຖິງ ​ຂໍ້​ມູນ​ຂ່າວ​ສານ​ທາງ​ດ້ານ​ກົດຫມາຍ ​ຫລາຍຂຶ້ນ. ຊີດີກົດຫມາຍສະບັບນີ້ ສ້າງ​ຂຶ້ນຈາກ​ພາສາ HTML ເຊິ່ງເປັນໜຶ່ງໃນຫຼາຍພາສາທີ່ໃຊ້ໃນການສ້າງໂປຣແກມ, ລະບົບຊີ​ດີ​ກົດຫມາຍສະບັບນີ້, ​ໄດ້​ແບ່ງ​ອອກ​ເປັນຫຼາຍ​ພາກສ່ວນສ່ວນຄື: ພາກ​ກົດຫມາຍ, ພາກ​ລັດຖະບັນຍັດ ​ແລະ​ ພາກ​ດຳລັດ ແລະ ອື່ນໆ, ຊຶ່ງບັນຈຸເອົາ ນິຕິກຳ-ກົດໝາຍ ຂອງ ສປປ ລາວ ທັງໝົດກວ່າພັນສະບັບ, ​ເອກະສານທັງຫມົດໃນລະບົບນີ້ ຈະສະແດງໃນຮູບແບບຂອງ File PDF ​ເພື່ອປ້ອງກັນການປ່ຽນແປງເນື້ອໃນຂອງເອກະສານໃນລະດັບຫນຶ່ງ. ສຳລັບເຄື່ອງຄອມພິວເຕີ ທີ່ບໍ່ມີໂປຣແກມອ່ານ File PDF ກະ​ຣຸນາຕິດຕັ້ງ​ໂປຣ​ແກມ Foxit Reader 2.2 ກ່ອນ​ຈຶ່ງ​ສາມາດ​​ເບິ່ງ​ເອກ​ະສານ​ໄດ້( ກົດທີ່ນີ້ເພື່ອຕິດຕັ້ງໂປຣແກມ Foxit Reader 2.2 ).

ໃນກໍລະນິທີ່ຄອມພິວເຕີຂອງທ່ານສາມາດອ່ານຂໍ້ມູນທີ່ເປັນ File PDF ໄດ້ແລ້ວ, ທ່ານກໍບໍ່ຈຳເປັນຕ້ອງຕິດຕັ້ງໂປແກມ Foxit Reader ນີ້ອີກ

ກະຊວງ​ຍຸຕິ​ທຳ ​ຫວັງຢ່າງ ຍິ່ງ​ວ່າຊີ​ດີ​ກົດຫມາຍ​ສະບັບ​ນີ້ ຈະ​ເປັນ​ປະ​ໂຫຍ​ດ​ໃຫ້ການ​ປະຕິບັດ​ຫນ້າ​ທີ່​ວຽກ​ງານ ​ເພື່ອ​ປະກອບສ່ວນ​ເຂົ້າໃນ​ການ​ ສ້າງ​ລັດ​​ແຫ່ງກົດຫມາຍ​ຂອງ​ພວກ​ເຮົາ​ເທື່ອ​ລະ​ກ້າວ, ສິ່ງ​ໃດ​ທີ່​ເປັນ​ຈຸດ​ບົກຜ່ອງ​​ ໃນ​ການ​ນຳ​ໃຊ້​ຊີ​ດີ​ກົດຫມາຍ ​ນີ້ກະລຸນາສົ່ງ​ຂ່າວ​ໃຫ້​ ກະຊວງ​ຍຸຕິ​ທຳ, ສະ​ຖາ​ບັນ​ຄົ້ນຄວ້າວິທະຍາສາດ​ກົດຫມາຍ, ​ຊາບ​ດ້ວຍ ເພື່ອ​ຈະໄດ້ນຳ​ໄປ​ປັບປຸງ​ໃຫ້​ມີ​ຄວາມ​ສອດຄ່ອງ​ ​ແລະ ນຳໃຊ້​ໃຫ້​ມີ​ປະສິດທິ​ຜົນ​ສູງໃນ​ຄັ້ງຕໍ່​ໄປ

ຂໍ້ມູນຕິດຕໍ່: 021-452359, 021-265079 ຫຼື ທ່ານສາມາດຕິດຕໍ່ກັບຜູ່ຮັບຜິດໂດຍກົງ: ທ່ານ ຄຳອ້ວນ ປະເສີດສັກ 020-22223930, 020-99499939.

1. ລະບົບຖານຂໍ້ມູນນິຕິກຳ ແລະ ກົດໝາຍ ແຫ່ງ ສປປ ລາວ ໃນແຜ່ນ CD ນີ້ , ໃນການໃຊງານ ແມ່ນຄືກັບການໃຊ້ງານເວັບໄຊ໌ ( Web Site ) ທົ່ວໄປ, ທີ່ງາຍ ແລະ ສະດວກຕໍ່ການໃຊ້ງານ ,

2. ຄວາມສາມາດໃນການຊອກຫາຂໍ້ມູນນັ້ນ ແມ່ນເຮົາຈະສາມາດຊອກຫາຂໍ້ມູນໄດ້ໂດຍງ່າຍ ເພາະຈະມີການຈັດ ແລະ ແບ່ງອອກເປັນໝວດໝູ່ຢ່າງດີ, ດັ່ງນີ້ :

ລາຍລະອຽດຂອງຂໍ້ມູນ

ກົດໝາຍ : ແມ່ນເປັນການສັງລວມເອົາບັນດາກົດໝາຍ ທີ່ໄດ້ຖືກປະກາດໃຊ້ແລ້ວ ແລະ ມີລັກສະນະລວມນັບຕັ້ງແຕ່ປີ 1990 - 2013
ລັດຖະບັນຍັດ
: ແມ່ນເປັນການສັງລວມເອົາບັນດາລັດຖະບັນຍັດ ທີ່ໄດ້ຖືກປະກາດໃຊ້ແລ້ວ ແລະ ມີລັກສະນະລວມ
ດຳລັດ : ແມ່ນເປັນການສັງລວມເອົາບັນດາດຳລັດ ທີ່ໄດ້ຖືກປະກາດໃຊ້ແລ້ວ ແລະ ມີລັກສະນະລວມນັບຕັ້ງແຕ່ປີ 1990 - 2013
(ແລະ ນິຕິກຳອື່ນ
ໃນລະບົບແຜ່ນຊີດີນີ້ ສ່ວນຫຼາຍແລ້ວ ຈະເປັນນິຕິກຳ ທີ່ເປັນລັກສະນະລວມທັງໝົດ).

3. ສາມາດເປີດອ່ານຂໍ້ມູນນິຕິກຳ-ກົດໝາຍ ໃນລະບົບປະຕິບັດການ ( Windows 95 , 98 , Me , XP , Vista , Win7) ໂດຍຜ່ານໂປຣແກມເວັບບາວເຊີ ( Browser ) ເຊັ່ນ : Internet Explorer , Friefox , Opera ແລະ ອື່ນໆເປັນຕົ້ນ.

4. ສຳລັບຂໍ້ມູນ ແລະ ເອກະສານຕ່າງໆທີ່ໃຊ້ໃນແຜ່ນ CD ນີ້ແມ່ນເປັນຮູບແບບລັກສະນະ File ຂໍ້ມູນ PDF ທີ່ຈຳເປັນຕ້ອງມີໂປຣແກມເຂົ້າມາຊ່ວຍ ໃນການເປີດອ່ານຂໍ້ມູນ ແລະ ສຳລັບໂປຣແກມທີ່ໃຊ້ເປີດ File PDF ກໍ່ມີຫຼາຍໂປຣແກມດ້ວຍກັນເຊັ່ນ: Acrobat , foxit ແລະ ອື່ນໆເປັນຕົ້ນ , ເຊິ່ງວ່າທ່ານສາມາດຕິດຕັ້ງໂປຣແກມ Foxit ແລະ ສຶກສາວິທີການຕິດຕັ້ງ ແລະ ໃຊ້ງານໄດ້ຈາກແຜ່ນ CD ນີ້.