Ministry of Energy and Mines

Department of Energy Business

55555.jpg

ຂປລ. ​ໃນ​ວັນ​ທີ 23 ຕຸລາ 2017 ນີ້, ທີ່ກອງ​ປະຊຸມ​ສະ​ໄໝ​ສາມັນ​ເທື່ອ​ທີ IV ຂອງ​ສະ​ແຫ່ງ​ຊາດ​ຊຸດ​ທີ VIII, ໂດຍການ​ເປັນ​ປະທານ​ຂອງ​ທ່ານ ​ແສງ​ນວນ ​ໄຊ​ຍະ​ລາດ ຮອງ​ປະ​ທານ​ສະພາ​ແຫ່ງ​ຊາດ, ທ່ານ ຄໍາ​ມະນີ ອິນ​ທິລາດ ລັດຖະມົນຕີ​ກະຊວງ​ພະລັງງານ ​ແລະ ບໍ່​ແຮ່ ໄດ້​ຊີ້​ແຈງ​ກ່ຽວ​ກັບ​ແຜນການ​ ແລະ ມາດ​ຕະການ​ໃນ​ການ​ຄຸ້ມ​ຄອງ, ກວດກາ​ສາຍ​ສົ່ງ​​ໄຟຟ້າ, ການ​ກໍ່​ສ້າງ​ບັນດາ​ເຂື່ອນ​ໄຟຟ້າ​ນ້ຳຕົກ ​ເພື່ອ​ຮັບປະກັນ​ບໍ່​ໃຫ້​ເຂື່ອນ​ແຕກ, ​ໂດຍ​ໄດ້​ອີງ​ໃສ່​ກົດໝາຍ​ວ່າ​ດ້ວຍ​ໄຟ​ຟ້າ, ດຳລັດ, ຄຳ​ສັ່ງ, ແຈ້ງ​ການ, ສັນຍາ​ສຳ​ປະທານ, ມາດຕະຖານ​ເຕັກນິກ​​ໄຟຟ້າ​ຂອງ​ລາວ (​ເປັນ​ມາດຕະຖານ ​ທີ່​ທຽບ​ເທົ່າ​ລະດັບ​ສາ​ກົນ),

ປື້​ມຄູ້​ມື​ແລະ ລະບຽບ​ການ​ດ້ານ​ຄວາມ​ປອດ​ໄພ ໃນ​ການ​ດຳ​ເນີນ​ງານ ​ແລະ ບໍ​າລຸງ​ຮັກສາ ​ແລະ ​ເອກ​ະສານ​ອື່ນໆ​ທີ່​ກ່ຽວ​ຂ້ອງ ​ເຂົ້າ​ໃນ​ການຈັດ​ຕັ້ງ​ປະຕິບັດ​ວຽກ​ງານ​ຕົວ​ຈິງ ​ໃຫ້​ໄປ​ຕາມ​ຂັ້ນ​ຕອນ​ຂອງ​ເຕັກນິກ​ວິຊາ​ການ ​ເຊິ່ງມີ​ຂັ້ນ​ຕອນ​ໃນ​ການ​ຕິດຕາມ​ກວດກາ ​ແລະ ຄຸ້ມ​ຄອງ ​ຄື: ກວດກາ ​ແລະ ຮັບຮອງ​ບົດ​ວິພາກ​ເສດຖະກິດ​ເຕັກນິກ, ກວດກາ​ ​ແລະ ຮັບຮອງ​ບົດ​ອອກ​ແບບ​ເບື້ອງ​ຕົ້ນ ​ສຳລັບ​ການ​ກໍ່ສ້າງ, ກວດກາ​ ​ແລະ ຮັບຮອງ​ກ່ອນ​ການ​ອະນຸຍາດ​ໃຫ້​ກັກ​​ເກັບ​ນໍ້າ, ກວດກາ ​ແລະ ຮັບຮອງ ຜົນສຳ​ເລັດ​ການ​ກໍ່ສ້າງ​ໂຄງການ, ຕິດຕາມ ​ແລະ ກວດກາ ​ໃນ​ໄລຍະ​ການ​ດຳ​ເນີນ​ງານ ​ແລະ ກວດກາ​ກ່ອນ​ການ​ມອບ​ໂອນ​ໂຄງການ​ ໃຫ້​ລັດຖະບານ.

ທ່ານ ຄໍາມະນີ ອິນ​ທິລາດ ​ໄດ້​ຊີ້​ແຈງ​ຕື່ມ​​ວ່າ: ກະຊວງ​ພະລັງງານ ​ແລະ ບໍ່​ແຮ່ ກໍ​ຄື​ ລັດຖະບານ ຍັງ​ໄດ້​ມີ​ການ​ວ່າ​ຈ້າງ ​ທີ່​ປຶກສາວິສະວະກອນຂອງ​ລັດຖະບານ ທີ່​ເປັນ​ບໍລິສັດ​ສາກົນ ​ທີ່​ມີ​ຊື່​ສຽງໜ້າ​ເຊື່ອ​ຖື ເຮັດ​ໜ້າ​ທີ່​ຊ່ວຍ​ລັດຖະບານ ​ໃນ​ການ​ຕິດຕາມ​ກວດກາ​ວຽກ​ງານ​ປິ່ນ​ອ້ອມ ​ຂອງ​ການ​ກໍ່ສ້າງ​ເຂື່ອນ ​ແລະ ​ໄດ້​ຕິດຕາມ​ຮ່ວມ​ກັບ ​ກົມ​ວິຊາ​ການ​ກະຊວງ ​ໃນ​ການຈັດ​ຕັ້ງ​ປະຕິບັດວຽກ​ງານ​ດ້ານ​ເຕັກ​ນິກ ພ້ອມ​ລາຍ​ງານ​ສະພາບ ​ແລະ ຄວາມ​ຄືບ​ໜ້າ​ຂອງ​ການ​ກໍ່ສ້າງ​ໂຄງການ​ໃຫ້​ກັບ ຄະນະ​ກຳມະການ​ຊີ້​ນຳ​ຮ່ວມ​ໂຄງການ​ຢ່າງ​ເປັນ​ປົກກະຕິ. ນອກ​ຈາກ​ນີ້, ​ໃນ​ເມື່ອ​​ໂຄງການ​ສຳ​ເລັດ​ການ​ກໍ່ສ້າງ ​ແລະ ດຳ​ເນີນ​ການ​ຜະລິດ, ກະຊວງ​ຕ້ອງ​ໄດ້​ສືບ​ຕໍ່​ຕິດຕາມ​ການ​ກວດກາ ​ແລະ ຄຸ້ມ​ຄອງ ບໍ່​ວ່າ​ຈະ​ເປັນ​ການ​ຕິດຕາມ​ຂໍ້​ມູນ​ຕ່າງໆ ທີ່​ສະ​​ແດງ​ໃຫ້​ເຫັນ​ປະສິດທິພາບຂອງ​ໂຄງການ ​ແລະ ການ​ຄຸ້ມ​ຄອງ​ໂຄງການ​ທີ່​ດີ ​ເປັນ​ຕົ້ນ​ ແມ່ນ​ຂໍ້​ມູນ​ຕົວ​ເລກ​ປະລິມານ​ນ້ຳ​ໄຫລ​ເຂົ້າ​ອ່າງ, ບໍລິ​ມາດ​ນ້ຳ​ທີ່​ນຳ​ໃຊ້​ເຂົ້າ​ໃນ​ການ​ຜະລິດ​ໄຟຟ້າ ​ແລະ ນ້ຳ​ລະບາຍ​ອອກ ​ເພື່ອ​ປ້ອງ​ກັນ​ນ້ຳ​ຖ້ວມ ​ແລະ ຮັກສາ​ຄວາມ​ປອດ​ໄພ​ຂອງ​ເຂື່ອນ, ຂໍ້​ມູນ​ຄຸນ​ນະພາ​ບນ້ຳ, ຂໍ້​ມູນ​ການ​ພັດທະນາ​ຟື້ນ​ຟູ​ຊີວິດ​ປະຊາຊົນ​ຜູ້​ຖືກ​ຜົນ​ກະທົບ ​ແລະ ຂໍ້​ມູນ​ການ​ເສຍ​ພັນທະ​ຕາມ​ສັນ​ຍາ​ສຳ​ປະ​ທານໃຫ້​ແກ່​ລັດ​ຖະບານ.

​ໃນ​ກໍລະນີຫາກ​ເກີດ​ອຸບັດ​ຕິ​ເຫດ ຫລື​ ​ໂຄງການ​ມີ​ບັນຫາ ກະຊວງ​ພະລັງງານ ​ແລະ ບໍ່​ແຮ່ ຈະ​ໄດ້​ສົມທົບ​ກັບ​ຊ່ຽວຊານ​ ທີ່​ປຶກສາ​ຂອງ​ລັດຖະບານ ລົງ​ໄປ​ຕິດຕາມ​ກວດກາ ​ເກັບ​ກຳ​ຂໍ້​ມູນ​ລາຍ​ລະອຽດທັງ​ໝົດ ພ້ອມ​ທັງ​ປະ​ເມີນ, ຈັດ​ປະຊຸມ​ລະດັບ​ວິຊາ​ການ ​ແລະ ຫາ​ວິ​ທາງ​ແກ້​ໄຂ​ໃຫ້​ຖືກຕ້ອງຕາ​ມ​ເຕັກນິກ​ໄຟຟ້າ​ລາວ ຫລື ສາກົນ; ຖ້າ​ກໍລະນີ​ເປ​ເພ​ຮ້າຍ​ແຮງ ກະຊວງ​​ຈະ​ສັ່ງ​​ໂຈະຢຸດຕິ​ການ​ກໍ່ສ້າງທັງ​ໝົດ ​ແລ້ວ​ແຕ່ງ​ຕັ້ງຄະນະ​ຊ່ຽວຊານ​ສະ​ເພາະ ລົງ​ສົມທົບ​ກັບ​ເຈົ້າ​ຂອງ​ໂຄງການ ​ເພື່ອ​ກວດກາ​ຫາ​ຄວາ​ມ​ເສຍ​ຫາຍ ​ແລະ ວາງ​ແຜນ​ປະຕິບັດ​ ໃຫ້​ຖືກຕ້ອງ​ຕາມ​ມາດຕະຖານ​ເຕັກ​ນິກ​ຢ່າ​ງ​ເຂັ້ມ​ງວດ.

ຂ່າວ: ສົມ​ຫວັງ ພາບ​: ໄອ່​ຄຳ ຂ່າວຈາກ: http://kpl.gov.la/detail.aspx?id=29004

Search

Presentation

Regional Collaboration on Hydropower Development on International Rivers

 Seville, Spain on 9-11 October 2017

Dowload file

Regional Collaboration on Hydropower Projects on the Mekong River

Read more ...

ASEA ENERFY BUSINESS FORUM 2017 POWERTRENDS 2017

27-29 September 2017, SMX Convention Center Manila, Phinlippines

Download

Opportunity of Investment in Laos’ Energy Sector pensented by Dr. Xaypaseuth PHOMSOUPHA, Director General, Department of Energy Business, Ministry of Energy and Mines

Read more ...