Ministry of Energy and Mines

Department of Energy Business

ໂຄງການພະລັງງານໄຟຟ້າຄວາມຮ້ອນຈາກຖ່ານຫີນຫົງສາ ຈະດໍາເນີນການຜະລິດ ແລະ ຂາຍໄຟ ໃນກາງປີ 2015

ໂຄງການໄຟຟ້າພະລັງງານຄວາມຮ້ອນຫົງສາ ຕັ້ງຢູ່ ເມືອງຫົງສາ, ແຂວງໄຊຍະບູລີ, ຫ່າງຈາກຕົວເມືອງຫົງສາ ໄປທາງທິດຕາເວັນຕົກປະມານ 1ກິໂລແມັດ ແລະ ຫ່າງຈາກຊາຍແດນລາວ-ໄທ ປະມານ 34 ກິໂລແມັດ ເປັນໂຮງງານໄຟຟ້າພະລັງງານຄວາມຮ້ອນ (Thermal Power Plant) ແຫ່ງທຳອິດຢູ່ ສປປ ລາວ, ມີມູນຄ່າການກໍ່ສ້າງທັງໝົດ 3,710 ລ້ານໂດລາສະຫະລັດ, ກຳລັງຕິດຕັ້ງ 1,878 ເມກາວັດ 

 ແລະ ຜະລິດພະລັງງານໄຟຟ້າໄດ້ 12,582 ຈິກາວັດໂມງ/ປີ, ແຜນສຳເລັດໂຄງການ ແລະ ຂາຍໄຟຟ້າໃນປີ 2015. ສັນຍາຊື້-ຂາຍໄຟຟ້າສົ່ງໃຫ້ປະເທດໄທ 1,473 ເມກາວັດ, ຕາມແລວສາຍສົ່ງ 500 ກິໂລໂວນ  ຈາກໂຄງການ ຫາ ເມືອງຊຽງຮ່ອນ (ຊາຍແດນ ລາວ-ໄທ) ຍາວປະມານ 67 ກິໂລແມັດ ແລະ ຈາກຊາຍແດນລາວ-ໄທ ເຂົ້າຫາລະບົບຕາຂ່າຍໄຟຟ້າແມ່ເມາະ ຂອງປະເທດໄທ ຍາວປະມານ 250ກິໂລແມັດ ແລະ ຊົມໃຊ້ຢູ່ພາຍໃນປະເທດ 100 ເມກາວັດ ຕາມແລວສາຍສົ່ງ 115 ກິໂລໂວນ ຈາກໂຮງໄຟຟ້າ ໄປຫາ ສະຖານີໄຟຟ້າເມືອງຊຽງເງິນ ແຂວງຫຼວງພະບາງ ມີຄວາມຍາວ 99,70 ກິໂລແມັດ ເພື່ອສົ່ງໄຟຟ້າເຂົ້າລະບົບຕາຂ່າຍໄຟຟ້າ ຂອງລັດວິສາຫະກິດໄຟຟ້າລາວ, ສ່ວນທີ່ຍັງເຫຼືອແມ່ນໃຊ້ຢູ່ພາຍໃນໂຮງໄຟຟ້າ.

        ເຮືອນຈັກໄຟຟ້າປະກອບມີ 03 ເຕົາເຜົາ (01 ເຕົາເຜົາ ສະໜອງພະລັງງານໄຟຟ້າ 626ເມກາວັດ), ແຕ່ລະເຕົາຈະໃຊ້ຖ່ານຫີນລິກໄນ ສະເລ່ຍ 15,800 ໂຕນ/ມື້. ເຂື່ອນເກັບນໍ້າຈໍານວນ 02 ແຫ່ງຄື: ເຂື່ອນນໍ້າແກນ ແລະ ເຂື່ອນນ້ຳເລືອກ ເພື່ອກັກເກັບນ້ຳຮັບໃຊ້ໃນລະບົບສ້າງຄວາມເຢັນຂອງເຮືອນຈັກໄຟຟ້າ ແລະ ຮັບໃຊ້ເຂົ້າໃນວຽກງານອື່ນໆ, ຄາດວ່າຈະໃຊ້ປະລິມານນ້ຳສະໜອງລະບົບການຜະລິດຈຳນວນ 40-50ລ້ານແມັດກ້ອນ/ປີ.

      ທ່ານ ນາງ ການ​ຈະ​ນາ ສຸກພົມ ຜູ້ຈັດການ​ຝ່າຍປະຊາສຳພັນ​​ໄດ້​ເປີດ​ເຜີຍ​ຕໍ່​ນັກ​ຂ່າວ ​ເມື່ອທ້າຍ​ເດືອນ​ທັນວາ​ນີ້ວ່າ :  (1 ) ​ໂຄງການ​ກໍ່ສ້າງ​ໂຮງງານ​ໄຟຟ້າ​ພະລັງ​ງານ​ຄວາ​ມຮ້ອນຫົງສາ​ສຳເລັດ​ແລ້ວ 93,6%, ຊຶ່ງ​ມີ​ກຳລັງການ​ຜະລິດ​ທັງ​ໝົດ 1.878 MW (ປະກອບ​ມີ 3 ​ໂຮງ ​ແຕ່ລະ​ໂຮງມີ​ກຳລັງການ​ຜະລິດ 626 MW) ​ແລະ ​ໂຮງ​ໄຟ​ຟ້າໜ່ວຍ​ທີ​ໜຶ່ງ ຈະ​ຜະລິດ​ກະ​ແສ​ໄຟຟ້າ​ໃນ ​ເດືອນ​ມີ​ຖຸນາ, ​ໂຮ​ງ​ໄຟຟ້າ​ໜ່ວຍທີ​ສອງ​ຈະຜະລິດ​ໃນ​ເດືອນ​ພະຈິກ ປີ 2015 ​ແລະ ​ໂຮງ​ໄຟຟ້າ ໜ່ວຍ​ທີສາມ​ຈະ​ຜະລິດ​ກະ​ແສ ​ໄຟຟ້າ​ໃນ​ເດືອນ ​ມີນາ 2016 ​ແລະ ນຳ​ໃຊ້​ເຊື້ອ​ເພີງ​ຖ່ານ​ຫີນ ລິກ​ໄນ 14,3 ລ້ານ​ໂຕນ​ຕໍ່​ປີ ​ໂດຍ​ສົ່ງ​ຂາຍ​ໄຟຟ້າ​ໃຫ້ການ ​ໄຟຟ້າ​ຝ່າຍ​ຜະລິດ​ແຫ່ງ​ປະ ​ເທດ​ໄທ (EGAT) 90% ​ແລະ ຂາຍ​ໃຫ້​ລັດ​ວິ​ສາ​ຫະກິດ​ໄຟຟ້​າ ລາວ(EDL) 10%.

   ຖ້າ​​ໂຄງການ​ນີ້ ຫາກ​ກໍ່ສ້າງສຳ​ເລັດ​ຈະ​ເຮັດ​ໃຫ້ ສປປ ລາວ ກາຍ​ເປັນ​ທີ່​ຮູ້ຈັກ​ກັນ​ຢ່າງ​ກວ້າງ ຂວາງ​ໃນ​ນາມ​ວ່າ ໝໍ້​ໄຟ​ແຫ່ງອາ ​ຊຽນ​ໂດຍ​ມີ​ຄວາມ​ສາມາດຜະລິດກະ​​ແສ​ໄຟຟ້າ​ເຖິງ 1.473 ​ເມ​ກາ​ວັດ ​ເປັນ​ຕົວ​ແບບ​ແຫ່ງການ​ພັດທະນາ​ເສດຖະກິດ-ສັງຄົມ​ທີ່​ຍືນ​ ຍົງ, ການ​ສ້າງ​ມາດຖານ​ຄຸນ​ນະພາ​ບຊີວິດ​ຈາກລາຍ​ຮັບ​ທີ່​ໝັ້ນຄົງ​ຂອງ​ໂຄງການ, ສ້າງ​ໂອ​ກາດມີ​ວຽກ​ເຮັດ ງານ​ທຳ-ຝຶກອົບຮົມ​ດ້ານ ​ກະສິກຳ​ໃຫ້​ປະຊາຊົນ, ສຳ​ເລັດ​ການກໍ່ສ້າງ​ເຂື່ອນ​​ເກັບ​ນ້ຳ​ເລືອກ, ນ້ຳ​ແກ່ນ​ເພື່ອ​ສະໜອງ​ນ້ຳ​ໃຫ້​ແກ່​ໂຮງ​ໄຟຟ້​າ ​​ແລະ ຜະລິດ​ນ້ຳປະ ປາ​ໃຫ້​​ເມື​ອງ ​ແລະ ບໍລິສັດ​ດັ່ງກ່າວ, ສຳ​ເລັດການ​ພັດທະ​ນາພື້ນຖານ​ໂຄງ​ລ່າງ​ໃຫ້​ປະຊາ​ຊົນຢູ່​ທ້ອງ​ຖິ່ນ ​ແລະ ສ້າງ ສິ່ງ​ເອື້ອອຳນວຍ ຄວາມ​ສະດວກ​ຕ່າງໆ ​ເປັນຕົ້ນ​ສ້າງບ້ານຈັດ​ສັນ, ​ເສັ້ນທາງ, ​ໂຮງໝໍ, ​ໂຮງຮຽນ, ສິ່ງ​ປຸກ​ສ້າງ, ​ປຸກເຮືອນ, ທີ່​ດິນ​ທຳ​ການ​ຜະລິດ ​ໃຫ້​ຍົກຍ້າຍ​ປະຊາຊົນ​ທີ່​ຢູ່​ໃນເຂດ​ກໍ່ສ້າງ​ຂອງ​ໂຄງການ.

                                                               

(1)  ຄັດມາຈາກບົດຂ່າວຂອງໜັງສືພິມປະຊາຊົນ.

 

 

Search

Presentation

Draft Domestic PPA Final Draft for submission Template for Private Sector forum

Download

Draft Domesctic PPA schedules Template for Private Sector forum

Download