Ministry of Energy and Mines

Department of Energy Business

ໂຄງການເຂື່ອນໄຟຟ້າ ລຳແມ່ນ້ຳຂອງ ບໍ່ສົ່ງຜົນກະທົບ ຂ້າມຊາຍແດນ

         ການກໍ່ສ້າງເຂື່ອນໄຟຟ້າ ຕາມລຳແມ່ນ້ຳຂອງ ຢູ່ ສປປ ລາວ ແມ່ນບໍ່ມີຜົນກະທົບຂ້າມຊາຍແດນແຕ່ຢ່າງໃດ ນັບທັງດ້ານຕະກອນ, ສານ ອາຫານໃນນ້ຳ, ຄຸນນະພາບຂອງນ້ຳ, ຜົນກະທົບຕໍ່ປາ ແລະ ອື່ນໆ. ຕາມການ​ປະ​ເມີນ​ຄືນ​ໂດຍ​ຊ່ຽວຊານ​ເອກະລາດ ຕໍ່ບັນຫາ​ດ້ານ​ເຕັກນິກ ​ແລະ ສິ່ງ​ແວດ​ລ້ອມ ກ່ຽວ ກັບ​ການ​ພັດທະນາ​ໂຄງການ​ໄຟຟ້າ​ຕາມລຳ​ແມ່​ນ້ຳຂອງ ​ໂດຍ​ສະ​ເພະ​ແມ່ນ​ໂຄງການ​ກໍ່ສ້າງ​ເຂື່ອນ​ໄຟ ຟ້າດອນ​ສະ​ໂຮງ ​​ແລະ ​ເຂື່ອນ​ໄຊ​ຍະ​ບູລີມາ​ຮອດ​ປັດຈຸບັນ ເຫັນ​ວ່າບັນຫາ​ຕ່າງໆລວມທັງຜົນ​ກະທົບຂ້າມ​ຊາຍ​ແດນ​ນັ້ນ ​ໄດ້ອອກ​ມາ​ໃນ​ທິດ​ທາງ​ທີ່​ເປັນ​ບວກ​ເຊັ່ນ: ບັນຫານຂີ້ຕົມ(ຕະກອນ), ສານ​ອາຫານ​ໃນນ້ຳ ​ຢູ່ ປາກ​ແມ່​ນ້ຳຂອງ, ຄຸນ​ນະພາ​ບນ້ຳ, ຄວາມ​ປອດ​ໄພ​ຂອງ​ເຂື່ອນ ​ແລະ ບັນຫາ​ການ​ຂຶ້ນ​ລົງ​ຂອງ​ປາ, ສິ່ງ​ສຳ ຄັນ ແມ່ນ​ຈະ​ມີ​ການ​ພັດທະນາ​ແຫ​ລ່ງທ່ອງ​ທ່ຽວໃນ​ຂົງ​ເຂດ​ດັ່ງກ່າວ ຫລັງ​ຈາກ​ສຳ​ເລັດ​ການກໍ່ສ້າງ​ເຂື່ອນ​ດອນ​ສະ​ໂຮງ.

 ​ກະຊວງ​ພະລັງງານ ​ແລະ ບໍ່​ແຮ່ຈຶ່ງ​ມີ​ການ​ກຳນົດ​ແນວທາງ​ສືບຕໍ່​ໂຄສະນາ​ປະຊາສຳພັນຕໍ່ສາກົນ ​ເພື່ອ​ສ້າງ​ຄວາມ​ເຂົ້າ​ໃຈ​ທີ່​ຖືກຕ້ອງ ​ແລະຍາດ​ແຍ່ງ​ຫາງ​ສຽງສະໜັບສະໜູນຈາກ​ປະ​ເທດ​ຄູ່​ຮ່ວມ​ພັດທະນາ ​ໂດຍ​ສະ​​ແດງ​ຄວາມ​ໂປ່​ງ​ໄສ​ແລະຄວາມໝັ້ນ​ໃຈ​ຂອງ​ຄຸນ​ນະພາ​ບນັບ​ທັງ​ມາດຖານ​ການ​ດຳ​ເນີນ​ໂຄງ ການ​ໄຟຟ້າ​ຕາມ​ລຳ​ແມ່​ນ້ຳຂອງ. ທັງສືບຕໍ່​ເຜີ​ຍແຜ່​ມາດ​ຕະການ​ໃນ​ການ​ສຶກສາ​ດ້ານ​ເຕັກນິກ ​ແລະ ສິ່ງ​ແວດ​ລ້ອມ ຂອງ​ໂຄງການ​ເຂື່ອນ​ໄຟຟ້າ​ໄຊ​ຍະ​ບູລີ ​ແລະ ​ໂຄງການ​ດອນ​ສະ​ໂຮງ ​ເພື່ອ​ຫລຸດຜ່ອນ​ຜົນ​ກະທົບ​ໃຫ້​ເປັນ​ບັນທັດຖານ ​ໃນ​ການ​ພັດທະນາ​ໂຄງການ​ໄຟຟ້າ​ອື່ນ​ໃນ​ລຳ​ແມ່​ນ້ຳຂອງ​ຕໍ່​ໄປ.

ສຳລັບ​ເຂື່ອນ​ດອນ​ສະ​ໂຮງ ຈະ​ຈັດ​ໃຫ້​ມີ​ການວາງ​ສີ​ລາ​ລືກ ​ແລະ ພິທີ​ທາງ​ສາສະໜາຕາມ​ຮີດຄອງ​ປະ​ເພນີ​ຂອງທ້ອງ​ຖິ່ນ ​ເພື່ອ​ເລີ່​ມລົງມື​ກໍ່ສ້າງ​ໃນ​ວັນ​ທີ 25 ມັງກອນ 2015 ນີ້. ສ່ວນ​ຄວາມ​ຄືບ​ໜ້າຂອງ​ການ​ກໍ່ສ້າງ​ໂຄງການ​ໄຟຟ້າພະລັງ​ນ້ຳ​ໄຊ​ຍະ​ບູ​ລີ​​ເຊິ່ງໄດ້​ເລີ່ມ​ລົງມື​ກໍ່ສ້າງ​ມາ​ແຕ່​ປີ2012 ເປັນຕົ້ນ​ມານັ້ນ ມາ​ຮອດ​ປັດຈຸບັນ ​ໜ້າ​ວຽກລວມ​ມີ​ຄວາມ​ຄືບ​ໜ້າ​ສຳເລັດແລ້ວ​ປະມານ40% ພາຍຫລັງງ​ສຳເລັດ​ການ​ກໍ່ ສ້າງ​ຕົວເຂື່ອນ​ຝັ່ງເບື້ອງ​ຂວາ​ແລ້ວ ​ໃນ​ວັນ​ທີ 26 ມັງກອນ2015 ທີ່​ຈະ​ມາ​ເຖິງ​ນີ້ ທາງໂຄງການ​ຈະ​ມີ​ການ​ອວ່າ​ຍແລວນ້ຳຂອງ​ມາ​ເບື້ອງ​ຝັ່ງ​ຂວາ​ທີ່​ກໍ່ສ້າງ​ສຳເລັດ​ແລ້ວ ແລະ ສືບລົງມື​ກໍ່ສ້າງ​ຕົວ​ເຂື່ອນ​ຝັ່ງເບື້ອງ​ຊ້າຍ.

ໂຄງການກໍ່ສ້າງ​​ເຂື່ອນ​ໄຊ​ຍະ​ບູລີ ມີ​ມູນ​ຄ່າ​ຫລາຍ​ກວ່າ3 ຕື້​ໂດລາ​ສະຫະລັດຄາດ​ວ່າຈະ​ໃຫ້​ສຳ ເລັດ​ພາຍ​ໃນ​ປີ2019, ໂຄງການ​ມີ 8 ເຄື່ອງ​ຈັກ, ມີ​ກຳລັງການ​ຜະລິດ​ໄຟຟ້າ1.280 ເມ​ກາວັດ, ໃນ​ນັ້ນ ຮັບ​ໃຊ້​ພາຍ​ໃນ60 ເມ​ກາ​ວັດ ທີ່​ເຫລືອ​ສົ່ງ​ຂາຍ​ໃຫ້ໄທ. ໂຄງການ​ນີ້ ລັດ​ຖະບານ​ລາວ​ຖື​ຮຸ້ນ20%, ນັກ​ທຸ ລະກິດ​ລາວ​ຖື​ຮຸ້ນ 5% ແລະ ບໍລິສັດພາຍ​ໃນ​ປະເທດ​ໄທ​ຖື​ຮຸ້ນ 75%.ໂຄງການ​ໄຟຟ້າ​ພະລັງ​ນ້ຳ​ໄຊຍະ​ບູ​ລີ​ ເປັນ​ໂຄງການ​ໄຟຟ້າ​ພະລັງນ້ຳ​ແບບ​ນ້ຳ​ໄຫລ​ຜ່ານ ​ທີ່​ບໍ່​ມີ​ການເກັບ​ກັກ​ນ້ຳ ດັ່ງນັ້ນຄວາມ​ຈຳເປັນ​ໃນ​ການ​ອົບ​ພະ​ຍົບ​ປະຊາຊົນອອກ​ຈາກ​ພື້ນ​ທີ່​ໂຄງການ ​ຈຶ່ງ​ມີຈຳນວນ​ບໍ່​ຫລາຍ ​ເມື່ອ​ທຽບ​ກັບເຂື່ອນ​ທີ່​ມີ​ອ່າງເກັບນ້ຳ​ຂະໜາດໃຫຍ່ ໂດຍ​ມີ​ປະຊາຊົນ​ພຽງ​ແຕ່ 458 ຄອບຄົວ ຈາກ 19 ບ້ານ​ທີ່ຢູ່ແຄມ​ສອງ​ຝັ່ງ​ຂອງ ລະຫວ່າງ ແຂວງ​ໄຊຍະ​ບູ​ລີ ແລະ ແຂວງຫລວງ​ພະ​ບາງ ໃນ​ຈຳນວນ​ນີ້ 15 ບ້ານ​ໄດ້​ຮັບ​ຜົນ​ກະທົບ​ຈາກ​ລະດັບ​ນ້ຳ​ທີ່​ສູງ​ຂຶ້ນ, ສ່ວນອີກ4 ບ້ານ​ທີ່ຢູ່​ບໍລິເວນ​ພື້ນ​ທີ່​ກໍ່ສ້າງ ຕ້ອງ​ຍ້າຍ​ບ້ານ​ເຮືອນ​ໄປ​ຍັງ​ພື້ນ​ທີ່ຈັດ​ສັນ​ໃຫ້​ໃໝ່​ໃນ​ບໍລິ ເວນ​ໃກ້​ຄຽງພ້ອມ​ທັງໄດ້​ຮັບ​ການ​ຊ່ວຍເຫລື​ອອຈາກ​ໂຄງການ​ເປັນ​ຢ່າງ​ດີ ເຮັດ​ໃຫ້​ຊີວິດ​ການ​ເປັນ​ຢູ່ດີຂຶ້ນ.

ຄັດມາຈາກບົດຂ່າວໜັງສືພິມປະເທດລາວ ສະບັບວັນທີ່ 23 ມັງກອນ 2015

Search

Presentation

Draft Domestic PPA Final Draft for submission Template for Private Sector forum

Download

Draft Domesctic PPA schedules Template for Private Sector forum

Download