Ministry of Energy and Mines

Department of Energy Business

     ໃນຕອນເຊົ້າຂອງ ວັນທີ 18 ກັນຍາ 2015 , ເວລາ 08:30 ໂມງ ທີ່ຜ່ານມານີ້ກົມທຸລະກິດພະລັງງານ (ກທພ), ກະຊວງພະລັງ ງານ ແລະບໍ່ແຮ່ ໃນຖານະເປັນກອງເລຂາ ຄະນະກຳມະການຊີ້ນຳລວມໂຄງການ (SC) ໄດ້ຈັດກອງປະຊຸມ ຄະນະກຳມະການຊີ້ນໍຳລວມໂຄງ ການເຂື່ອນໄຟຟ້າ ເຊປຽນ-ເຊນໍ້ານ້ອຍ, ຄັ້ງທີ V ທີ່ ໂຮງແຮມ ດອນຈັນພາເລດ, ນະຄອນຫຼວງວຽງຈັນ ໂດຍພາຍໃຕ້ການເປັນປະທານຂອງ ທ່ານ ດຣ. ຄຳມະນີ ອິນທິລາດ, ລັດຖະມົນຕີວ່າການ ກະຊວງພະລັງງານ ແລະ ບໍ່ແຮ່ ທັງເປັນປະທານຄະນະກຳມະການຊີ້ນຳລວມໂຄງການ. ມີບັນດາທ່ານຄະນະກຳມະການຊີ້ນຳລວມ, ແຂກທີ່ຖືກເຊີນຈາກບັນ ດາຂະແໜງການກ່ຽວຂ້ອງ ທັງສູນກາງ ແລະ ທ້ອງຖິ່ນ ແລະ ຜູ້ຕາງໜ້າຈາກ ບໍລິສັດ ໄຟຟ້າເຊປຽນ-ເຊນ້ຳນ້ອຍ ໄດ້ໃຫ້ກຽດເຂົ້າຮ່ວມຢ່າງພ້ອມພຽງ.

 

      ຈຸດປະສົງຂອງກອງປະຊຸມຄັ້ງນີ້ກໍ່ເພື່ອເປັນການສືບຕໍ່ປະຕິບັດພາລະບົດບາດຂອງ ຄະນະກຳມະການຊີ້ນຳລວມໂຄງການ ໂດຍມີຈຸດປະສົງຕົ້ນຕໍເພື່ອຕິດຕາມສະພາບການຈັດຕັ້ງປະຕິບັດໂຄງການ ລວມທັງຂໍ້ສະດວກ, ຂໍ້ຫຍຸ້ງ ຍາກ ແລະ ບັນຫາຕ່າງໆ ເພື່ອຄົ້ນຄ້ວາໃຫ້ທິດຊີ້ນຳ. ທັງນີ້ກໍ່ເພື່ອຮັບປະກັນໃຫ້ການຈັດຕັ້ງປະຕິບັດໂຄງການສາມາດດຳເນີນໄປໄດ້ຢ່າງຕໍ່ເນື່ອງ, ມີປະ ສິດທິພາບ ແລະ ປະສິດທິຜົນ, ປະສົບຜົນສໍາເລັດຕາມແຜນການທີ່ວາງໄວ້.

ພາຍຫຼັງທີ່ຄະນະຈັດຕັ້ງໄດ້ກ່າວຈຸດປະສົງຂອງກອງປະຊຸມແລ້ວ ທ່ານປະທານ ກໍໄດ້ມີຄຳເຫັນ ແລະ ກ່າວເປີດກອງປະຊຸມຢ່າງເປັນທາງການ ໂດຍທ່ານໄດ້ເນັ້ນບາງບັນຫາຈຳນວນໜຶ່ງທີ່ສຳຄັນ ເຊັ່ນ: ນະໂຍບາຍຂອງ ລັດຖະບານ ຕໍ່ການພັດ ທະນາຂະແໜງພະລັງງານໄຟຟ້າຂອງ ສປປ ລາວ, ບັນດາຜົນສຳເລັດທີ່ຂະແໜງການຍາດມາໄດ້ ນັບແຕ່ອາດີດມາຮອດປັດຈຸ ບັນ, ໂດຍສະເພາະແມ່ນຄວາມສຳຄັນຂອງ ໂຄງການເຂື່ອນໄຟຟ້າ ເຊປຽນ-ເຊນ້ຳນ້ອຍ ຕໍ່ແຜນພັດທະນາພະລັງງານໄຟຟ້າ ແລະ ການພັດທະນາທ້ອງຖິ່ນ ເພື່ອແກ້ໄຂຄວາມທຸກຍາກຂອງປະຊາຊົນເຂດຫ່າງໄກສອກຫຼີກ ໃຫ້ມີຊີວິດທີ່ດີຂື້ນເປັນກ້າວໆ. ພ້ອມນັ້ນ ເພີ່ນກໍ່ຍັງໄດ້ຮຽກຮ້ອງໃຫ້ຜູ້ເຂົ້າຮ່ວມກອງປະຊຸມ ພ້ອມກັນຄົ້ນຄວ້າ ປະກອບຄຳຄິດຄຳເຫັນ ເພື່ອເຮັດໃຫ້ໂຄງການໄດ້ຮັບຜົນສຳເລັດ ເປັນຢ່າງດີ. ໂດຍປະຕິບັດຕາມວາລະກອງປະຊຸມ ເຊິ່ງທ່ານປະທານໄດ້ສະເໜີໃຫ້ຜູ້ຕາງໜ້າຂອງແຕ່ລະພາກສ່ວນຕ່າງໆ ຂື້ນລາຍງານ.

ຜ່ານການດຳເນີນກອງປະຊຸມ ເຫັນວ່າແຕ່ລະພາກສ່ວນກໍໄດ້ເອົາໃຈໃສ່ໃນການຄົ້ນຄວ້າ ປຶກສາຫາລື ແລະ ຖອດຖອນບົດຮຽນໃນການຈັດຕັ້ງປະຕິບັດວຽກງານໃນໄລຍະຜ່ານມາ ຊຶ່ງເຫັນວ່າໄດ້ຮັບຄວາມສະດວກສະບາຍຢ່າງຫຼວງ ຫຼາຍ ໂດຍສະເພາະຈາກອຳນາດການປົກທ້ອງຖິ່ນທັງ 2 ແຂວງ ກໍຄືທາງ ບໍລິສັດ ຜູ້ພັດທະນາ ທີ່ໄດ້ເອົາໃຈໃສ່ເຮັດໃຫ້ປະຊາ ຊົນຂອງພວກເຮົາສາມາດພັດທະນາຊີວິດການເປັນຢູ່ຂອງຕົນເອງໃຫ້ນັບມື້ນັບດີຂື້ນເປັນກ້າວໆ. ແຕ່ວ່າ ກໍຍັງມີບັນຫາທີ່ພວກເຮົາໄດ້ຍົກຂື້ນມາ ເພື່ອຄົ້ນຄວ້າ ປຶກສາຫາລື ແລະ ຮ່ວມກັນແກ້ໄຂ, ມີບາງບັນຫາກໍໄດ້ຖືກແກ້ໄຂ ແລະ ໄດ້ຮັບຄຳຕອບໃນທີ່ປະຊຸມແລ້ວ  ພ້ອມນັ້ນ ກໍໄດ້ຮຽກຮ້ອງວ່າ ເພື່ອເຮັດໃຫ້ການຈັດຕັ້ງປະຕິບັດວຽກງານຂອງພວກເຮົາມີຜົນສຳເລັດ ແລະ ເປັນໄປຕາມແຜນການທີ່ວາງໄວ້, ຂໍໃຫ້ທຸກພາກສ່ວນເອົາໃຈໃສ່ສະໜັບໜູນ, ຮ່ວມໄມ້ຮ່ວມມື ແລະ ອຳນວຍຄວາມສະດວກໃຫ້ແກ່ການຈັດຕັ້ງປະຕິບັດໂຄງການດັ່ງກ່າວ ຕາມພາລະບົດບາດ, ສິດ ແລະ ໜ້າທີ່ຂອງຕົນ ດ້ວຍຄວາມເປັນເຈົ້າການ. ແນ່ນອນວ່າໃນຂະບວນການພັດທະນາໂຄງການຂະໜາດໃຫຍ່ຄືແນວນີ້ ມັກຈະມີຫຼາຍບັນຫາເກີດຂື້ນ ທັງທີ່ບັນຫາທີ່ໄດ້ຄາດການໄວ້ໃນແຜນ ແລະ ທັງບັນຫາທີ່ບໍ່ໄດ້ຄຳນຶງເຖິງກໍ່ມີ, ເມື່ອມີບັນຫາໃດກໍຕາມ ພວກເຮົາຈະຕ້ອງໄດ້ຮ່ວມກັນແກ້ໄຂໃຫ້ສຳເລັດ. 

ກອງປະຊຸມລົງຢ່າງເປັນທາງການ ໃນເວລາ 12:00 ໂມງ. 

Search

Presentation

Draft Domestic PPA Final Draft for submission Template for Private Sector forum

Download

Draft Domesctic PPA schedules Template for Private Sector forum

Download